Zəngəzur Milli Parkında foto-tələlər vasitəsilə yetkin erkək və dişi bəbirin fotosu, video görüntüləri qeydə alınıb. Görüntülər Ekologiya və Təbii Sərvətlər Nazirliyinin Ümumdünya Təbiəti Mühafizə Fondunun (WWF) Azərbaycan Nümayəndəliyi ilə birlikdə apardıqları monitorinq nəticəsində qeydə alınıb.

 

Nazirliyin mətbuat xidmətindən APA TV-yə bildirilib ki, Heydər Əliyev Fondunun vitse-prezidenti, IDEA (Ətraf Mühitin Mühafizəsi üzrə Beynəlxalq Dialoq) beynəlxalq ekoloji kampaniyasının təşəbbüskarı Leyla Əliyevanın son illər Qafqazda nəsli kəsilmək təhlükəsi ilə üzləşmiş 5 fauna növünün (ayı, canavar, ceyran, qartal və bəbir) qorunmasını əhatə edən “Böyük beşlik” proqramı çərçivəsində gördüyü işlər də bəhrəsini verib.