"ABŞ Yanukoviçi sanksiyalarla hədələyir və hakimiyyəti tez bir zamanda təhvil verməyi tələb edir. Rəsmi Vaşinqton Kiyevdə baş verən iğtişaşlarda hakimiyyəti günahlandırır, xüsusi təyinatlı qoşun birləşmələrini dərhal geri çəkməyə çağırır".

Bu barədə Ağ Evin yaydığı bəyanatda bildirilir. Bəyanat Ukraynada dinc aksiyaçılara qarşı güc tətbiq olunmasına etiraz olaraq yayılıb.

Bu arada prezident Viktor Yanukoviç təhlükəsizlik məsələləri üzrə komissiyanın rəhbəri Andrey Klyuyevə prezident Administrasiyasının və hökumətin üzvləri ilə birgə ölkədə siyasi vəziyyətin stabilləşdirilməsi üçün işçi qrupu yaratmağı tapşırıb. Bu barədə Yanukoviçin mətbuat xidməti məlumat yayıb. Dövlət başçısı işçi qrupunun üzvlərinə müxalifət liderləri ilə görüş keçirmək barədə də göstəriş verib.