Bakıda at kanalizasiya xəttinə düşüb. APA TV-nin xəbərinə görə, Fövqəladə Hallar Nazirliyinin “112” qaynar telefon xəttinə daxil olmuş məlumatda Bakı şəhəri, Suraxanı rayonunda ev heyvanının dərinliyi 3-4 metr olan çirkab sulların axıdıldığı kanalizasiya xəttinə düşdüyü bildirilib. Nazirliyin müvafiq xilasetmə qüvvələri hadisə yerinə cəlb olunub. Xüsusi alətlər vasitəsi ilə atın boyun və ayaq nahiyələrinə ip dolanıb. Qaldırıcı qurğu vasitəsi ilə atı kanalizasiya quyusundan çıxarmaq mümkün olub.

At müvafiq qaydada xilas olunaraq sahibinə təhvil verilib.