"Tarixi-Nadir" tapıldı
Masallıda "Tarixi-Nadir" kitabı tapılıb. Bu barədə APA TV-nin Cənub bürosuna Masallı rayonunun Ərkivan qəsəbə məscidinin axundu Məşədi Həmid məlumat verib. Onun sözlərinə görə, yaşlı kənd sakinlərinin evindən tapdığı bu kitab elə həmin məşhur "Tarixi-Nadir" kitabıdır.
Axundun qənaətincə, kitab hicri qəməri tarixi ilə 1272-ci ildə yazılıb və çap edilib. Fars dilində, nəstəli xətlə yazıldığından oxunuşu olduqca çətindir. Məşədi Həmidin sözlərinə görə, kitab Nadir şahın həyatına həsr edilib. Kitabı sonadək oxuyan axund deyir ki, tarix dərslərində Nadir şahla bağlı faktların hamısı burada öz əksini tapıb.
Məşədi Həmidin ən böyük arzusu bu kitabı Azərbaycan dilində çap etdirib, geniş oxucu kütləsinə çatdırmaqdır.