ABŞ-ın səyahət gəmisində 300 SƏRNİŞİN ZƏHƏRLƏNDİ
ABŞ-ın nəhəng səyahət gəmilərindən birində kütləvi zəhərlənmə qeydə alınıb. "Royal Carib" şirkətinə məxus gəmidə 281 sərnişin, 22 heyət üzvü olmaqla 300 nəfərin zəhərləndiyi bildirilir. APA TV-nin "Assoşeyted Press" agentliyinə istinadən verdiyi məlumat görə, ABŞ Xəstəliklərə Nəzarət və Profilaktika Mərkəzindən gəmidə ümumilikdə 3050 sərnişin və 1165 ekipaj üzvü oluğu bildirilir. Zəhərləndiyi ehtimal edilən sərnişinlər arasında qusma və ishal halı müşahidə edilsə də hələki dəqiq diaqnozun qoyulması mümkün olmayıb. Zəhərlənmənin səbəblərini dəqiq müəyyənləşdirmək üçün zərərçəkənlərdən analizlər götürülüb. Uzunluğu 312 metr olan 15 mərtəbəli gəmidə hazırda dezinfeksiya işləri aparılır.