Bakıdakı özəl klinikalardan birində anestezioloq vəzifəsində çalışan Türkiyə vətəndaşı olan həkim intihar edib. APA İnformasiya Agentliyinin Nərimanov Rayon Prokurorluğuna istinadən yaydığı məlumata görə, hadisə mərhumun çalışdığı klinikada baş verib. Hakan Karadəniz adlı həkim sistem aparatının iynəsini qoluna batıraraq intihar edib. Həkimin Türkiyədə mülklə bağlı müəyyən problemlərinin olduğu, intihara da bu səbəbdən əl atdığı güman olunur. Faktla bağlı özünü öldürmə həddinə çatdırma maddəsi ilə cinayət işi başlanıb, araşdırma aparılır.