İraqda terror aktları səngimir. Ötən gecə Bağdadda baş verən terror aktlarında ən azı 19 nəfər ölüb. Ölkə rəsmiləri yanvar ayında terror aktlarının qurbanlarının sayının min nəfərə çatdığını bildirir. APA TV-nin məlumatına görə, növbəti partlayışlardan biri paytaxtın Şula rayonunda törədilib. İki partlayış 7 nəfərin həyatına son qoyub. Yeni Bağdad ərazisində minalanmış avtomobilin partladılması nəticəsində daha 5 nəfər ölüb. Talibiyyədə 4 dinc sakin, əsas etibarilə xristianların yaşadığı Kamp-Sara məhəlləsində isə üç nəfər güllələnib. Xalqa ənənəvi illik müraciətində İraqın baş naziri Nuri Əl-Məliki ölkədə baş verən yeni zorakılıq dalğasının yayılmasını qonşu Suriyada şiddətlənən vətəndaş müharibəsi ilə əlaqələndirib. İraqda zorakılıq son 5 il ərzində ən yüksək səviyyəyə çatıb. BMT-nin məlumatına görə, 2013-cü ildə ölkədə 9 minə yaxın insan həlak olub.