Yaxın üç gündə ölkədə havanın temperaturunda mühüm dəyişiklik gözlənilmir. Bakıda və Abşeron yarmadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Baş hidroloq Asif Verdiyev APA TV-yə deyib ki, Bakıda mülayim cənub və şimal-qərb küləyi əsəcək. Günorta saatlarında havanın temperaturunun 9 dərəcəyədək isti olacağı gözlənilir.

 

Bölgələrdə də əsasən, yağmursuz hava şəraiti müşahidə olunacaq. Gecə və səhər bəzi yerlərdə duman gözlənilir, şərq küləyi əsəcək: "Aran rayonlarında günorta saatlarında 6-11 dərəcə, isti dağlıq rayonlarda isə 3-8 dərəcə isti gözlənilir".

 

Yaxın üç gündə metroloji amillərin zəif və mülayim tərəddüdü meteohəssas insanlar üçün əsasən əlverişli olacaq.