Türkiyə Böyük Millət Məclisində Məhkəmə-Hüquq Şurası haqqında qanunun müzakirəsi yumruq davası ilə nəticələnib. CHP millət vəkili Bülent Tezcan çıxışında rüşvət hallarına yol verən hökuməti tənqid edib. Çıxışını bitirən Tezcana kürsünü tərk etməyib, bu səbəbdən vitse-spiker Sadiq Yaqut ona xəbərdarlıq edib. Kürsüdən düşməyən millət vəkilinə AKP üzvləri sərt reaksiya veriblər. Vitse-spiker fasilə elan edib, bu zaman AKP millət vəkili Bayram Özçelik kürsüyə yaxınlaşaraq Bülent Tezcana yumruq atıb. Bundan sonra CHP və AKP millət vəkilləri yumruq davasına başlayıb. Aldığı zərbədən burunu qanayan CHP Zonquldak millət vəkili Ali İhsan Köktürk xəstəxanaya çatdırılıb. Onun vəziyyətinin normal olduğu bildirilir.