Bakı Ağır Cinayətlər Məhkəməsində 16 yaşlı oğlunun üstünə benzin tökərək yandıran Aydın Mehdiyevin cinayət işi üzrə məhkəmə prosesi başa çatıb.

Cinayət Məcəlləsinin 120.1-ci (qəsdən adam öldürmə) maddəsi ilə  təqsirləndirilən ataya hökm oxunub. Hökmə əsasən, A. Mehdiyev 15 il müddətinə azadlıqdan məhrum edilib.

APA TV xəbər verir ki, hadisə  ötən il sentyabrın 10-da Buzovna qəsəbəsində qeydə alınıb. Ailə üzvləri ilə mübahisə edən ata  1997-ci il təvəllüdlü oğlu Nəcməddin Əsgərovun üstünə benzin tökərək onu yandırıb. Yanıq xəsarətləri almış Nəcməddin xəstəxanaya yerləşdirilsə də, 4 gün sonra ölüb. Xəzər Rayon Polis İdarəsinin əməkdaşları tərəfindən həyata keçirilən tədbirlər nəticəsində cinayətin törədilməsində şübhəli bilinən N.Əsgərovun atası Aydın Mehdiyev tutulub. Təqsirləndirilən şəxs hadisəni əsəblərini cilovlaya bilmədiyindən törətdiyini deyib.