Ucar rayonunda vəhşi heyvanlar əhalinin asas gəlir mənbəyi olan mal-qaraya hücum edib. Rayonun Alpout kəndində kənd sakini Allahverdi Səvxanovun xırdabuynuzlu heyvanları günorta saatlarında otlaq sahəsində vəhşi heyvanların hücumuna məruz qalıb.

 

APA TV xəbər verir ki, kənd sakinlərinin sözlərinə görə, təkcə bu il 30 başdan çox iri, 40-50 baş da xırdabuynuzlu heyvanı vəhşi heyvanlar parçalayıb. Əvəllər vəhşi heyvanları gecələr görmək olurdusa, indi gündüzlər də gəlir.

 

Hadisədən sonra Ucar Rayon Baytarlıq idarəsinə  məlumat verilib. İdarə əməkdaşları yaralı heyvanları vaksinasiya edib, ölən heyvanlar isə yandırılaraq basdırılıb.

 

İdarə rəisi  sakinləri iri və xırda buynuzlu heyvanları, sahibsiz otlaq sahələrinə buraxmamağı tövsiyə edib.