Fevralın 21-də “Masal” restoranında müəssisənin tanıtım mərasimi keçirilib. Mərasimdə Türkiyənin Azərbaycandakı səfiri İsmayıl Alper Coşqun, TUSİAD-nin nümayəndələri, azərbaycanlı və türk iş adamları iştirak ediblər. Qonaqlara restoranın hazırladığı müxtəlif yeməklər və şirniyyatlar, onların hazırlanması qaydaları ilə bağlı məlumatlar verilib.

Müəssisə rəhbəri türkiyəli iş adamıdır. İşçilərin isə hamısı azərbaycanlıdır. Restoran müxtəlif ziyafətlərin keçirilməsi üçün  münasib sayılır. Burda 50 nəfərdən, 70 nəfərə qədər qonağı yerləşdirmək, yüksək səviyyədə xidmət aparmaq mümkündür. Restoran müştərilərinə münasib qiymətlərlə türk mətbəxi ilə yanaşı, Azərbaycan və dünya mətbəxindən də yeməklər təklif edir.