Bakıda taksi sürücüsünün qatili tutuldu
Bakıda taksi sürücüsünü qətlə yetirən şəxs tutulub. APA TV-nin məlumatına a görə, fevralın 21-də Binəqədi rayonu Biləcəri qəsəbəsinin ərazisindən qəsəbə sakini Elnur Ağayev kəsilmiş-deşilmiş xəsarətlə xəstəxanaya gətirilib və orada ölüb. Binəqədi Rayon Polis İdarəsinin 6-cı Polis Bölməsi əməkdaşlarının keçirdiyi əməliyyat-axtarış tədbirləri nəticəsində hadisəni Bakı şəhər sakini, 28 yaşlı İlqar Məmmədovun törətdiyi müəyyənləşib.
İlqar Məmmədov hadisəni törətdiyini etiraf edib: "Üstümə gəldi, mənə güc tətbiq etdi. Vurdum, qaçdım".
Hadisə Biləcəri qəsəbəsində Dəmir Yolu vağzalının qarşısında qeydə alınıb. 1985-ci il təvəllüdlü Elnur Akif oğlu Ağayev bıçaqlanaraq qətlə yetirilib.