Bakıda qətl hadisəsi törədilib. Fevralın 24-ü saat 18.00 radələrində Cavadxan küçəsində Quba rayon sakini Hacıbala Hacıyevin meyiti aşkar olunub. Bakı şəhər Baş Polis İdarəsindən APA TV-yə verilən məlumata görə, mərhumun bədənində bir necə deşilmiş xəsarət olub. Şahid ifadələri əsasında hadisəni törən şəxs müəyyən edilərək, istintaqa cəlb olunub.

 

Nəsimi rayon prokurorunun köməkçısi Şəbnəm İbrahimova deyib ki, kifayət qədər əsas olduğundan hadisə ilə bağlı Bakı şəhər sakini Rərviz Abdullayev həbs edilib.

 

İstintaqla müəyyən olunub ki, Bakı şəhər sakini Pərviz Abdullayev hadisədən əvvəl mərhum Hacıbala Hacıyevlə mübahisə edib. Pərviz Abdullayev aralarında olan narazılığa son qoymaq məqsədi ilə Hacıbala Hacıyevlə görüşüb və hadisə baş verib.