Samux rayonunun Qarayeri qəsəbəsində dəhşətli yol-nəqliyyat hadisəsi baş verib. APA TV-nin xəbərinə görə, rayonun Sarıqamış kənd sakini 21 yaşlı Taleh Babayev idarə etdiyi “VAZ 2106” markalı avtomobillə yüksək sürətlə hərəkət edərkən yolun kənarındakı yas mağarına çırpılıb. Nəticədə 1 nəfər ölüb, 7 nəfər yaralanib. Vəziyyətləri orta ağır olan 5 nəfər Gəncə şəhər TTYX-na yerləşdirilib. Həkimlərin yardımına baxmayaraq, 45 yaşlı Sakit Şəfiyevin həyatını xilas etmək mümkün olmayıb. Samux polisi sürücünü saxlayıb. Faktla bağlı rayonun Polis Şöbəsində araşdırma aparılır.