Xırdalan şəhərində yanğın hadisəsi olub. Hadisə 28-ci məhəllə, bina 3 ünvanında qeydə alınıb. Yanğının söndürülməsinə Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürənləri cəlb edilib.

 

APA TV-nin xəbərinə görə, hadisəyə azyaşlının səbəb olduğu bildirilir. Evin xanımı Lalə Eyyubova deyib ki, uşaq divana od vurub.

 

Ev 40 kv/m sahədə yanıb. Yanğınsöndürənlərin səyi nəticəsində yanğın söndürülüb, evin digər hissələrinə keçməsinin qarşısı alınıb.

 

Fakta bağlı araşdırma aparılır.