Nişandan qayıdan avtobus uçuruma aşdı: 40 yaralı
Türkiyədə dəhşətli yol qəzası baş verib. Kəndlərdən birində keçirilən nişan mərasimindən qayıdanları daşıyan avtobusun aşması nəticəsində 40 nəfər yaralanıb. Avtobus Aksaray-Adana yolunda 10 metr dərinliyində uçuruma yuvarlanıb. Hadisəyə sürücünün idarəetməni itirməsinin səbəb olduğu bildirilir.
Yaralılar Aksaraydakı müxtəlif xəstəxanalara yerləşdirilib. Hadisə ilə bağlı araşdırma aparılır.
