Suriya ordusunun helikopteri Hələb şəhərinin müxalifətin nəzarətində olan rayonlarını bombalayıb. Məlumata görə, bombardman nəticəsində azı 13 nəfər ölüb, çoxlu sayda yaralı var.

 

APA TV-nin xəbərinə görə, Hələbdəki yerli fəallardan Mustafa Sultan bildirib ki, hava hücumu nəticəsində bəzi binalar yerlə bir olub, onlarla evə ziyan dəyib.

 

Mülki müdafiə dəstələri dağılan evlərin qalıqları altından cəsədləri və yaralıları çıxarıblar.

 

Hələbdən gələn məlumatlara görə, ardıcıl hava hücumları nəticəsində Hələbin müxalifətin nəzarətində olan hissəsi xarabalığa çevrilib.