Polşada Amerika hərbi birləşmələrinin yerləşdirilməsinə başlanılıb. APA TV-nin məlumatına görə, hərbçilər Polşa ərazisində Ukraynadakı vəziyyətlə bağlı təlim keçəcəklər. Polşa mətbuatının yaydığı məlumata görə, martın 13-nə kimi Polşaya Amerikanın 12 ədəd çoxfunksiyalı F-16 təyyarəsi, o cümlədən nəqliyyat helikopterləri və 300 heyət gətiriləcək. Hər iki ölkənin müdafiə nazirləri arasında baş tutan telefon danışığında da Ukraynadakı vəziyyət və hadisələrin gedişatına uyğun olaraq, NATO çərçivəsində görülə bilən işlər müzakirə edilib.