Özünü Krım Muxtar Respublikasının Nazirlər Şurasının sədri adlandıran Sergey Aksyonov Krımın rubl zonasına girməsi ilə bağlı layihə irəli sürəcək. Bu barədə o, özünün  "Twitter" səhifəsində yazıb. Onun sözlərinə görə, layihə martın 11-də irəli sürüləcək və çalışılacaq ki, valyutanın dəyişməsi vətəndaşa və biznesə ziyan verməsin.

APA TV-nin xəbərinə görə, daha öncə Aksyonov bəyan etmişdi ki, Rusiya hökuməti Krımın inkişafı üçün 1,1 milyard dollar ayırıb.

Sergey Aksyonov həmçinin bildirib ki, Simferopolda yarımadanın təbii resurslarını istifadə edən Ukrayna şirkətləri Krımın öz mülkiyyətinə keçəcək.