Malayziya aviaşirkətinə məxsus Boeing sərnişin təyyarəsinin itməsi ilə əlaqədar yeni təfərrüatlar ortaya çıxıb. Məlum olub ki, oğurlanmış pasportlarla təyyarəyə minən iki sərnişin əslən İrandan olan qeyri-qanuni immiqrantdır.

 

APA TV-nin xəbərinə görə, onlardan birinin şəxsiyyəti də müəyyənləşdirilib. Bu, 19 yaşlı Məhəmməd Mehardaddır. Onun şəkli də artıq yayılıb. İran vətəndaşları Avstriya və İtaliya vətəndaşlarının pasportlarını Tailandda oğurlayıblar.

 

Qeyd edək ki, hazırda 10-dan çox ölkənin təyyarə və gəmiləri ilə axtarışlar davam etdirilir.

 

"Boinq-777" tipli təyyarənin göyərtəsində 227 sərnişin, 12 ekipaj üzvü olub. Təyyarə ilə əlaqə sonuncu dəfə Vyetnam ərazisindən uçarkən qeydə alınıb. Təyyarədə əksəriyyəti Çindən olmaqla 14 ölkənin vətəndaşları olub. Radarlardan itən təyyarə Malayziyanın paytaxtı Kuala-Lumpurdan Çinin paytaxtı Pekinə uçurmuş.