Azərbaycanda daşınmaz əmlak obyektlərinin ekoloji tələbləri yoxlanılacaq.

Standartlaşdırma, Metrologiya və Patent üzrə Dövlət Komitəsi "Daşınmaz əmlak obyektlərinə ekoloji tələblər” dövlət standartı təsdiqləyib. Standart daşınmaz obyektlərə dair prinsipləri, kateqoriyaları, qiymətləndirmə

kriteriyalarını, indiqatorları, tövsiyyə edilən göstəriciləri və minimal ekoloji

tələbləri təyin edir.

Həmçinin, standart daşınmaz əmlak obyektlərinə, binalara və

tikililərə, onların həyətyanı ərazilərinə qoyulan ekoloji tələbləri müəyyən edir və layihələndirilən, tikilən, yenidən qurulmuş və istismara verilmiş daşınmaz əmlak obyektlərinin bütün kateqoriyalarına şamil olunur.

APA TV-nin xəbərinə görə, yeni təsdiqlənən dövlət standartının tətbiqinə bu il martın 15-dən başlanacaq.