Nəsimi rayonunda yerləşən "Moskva" univermağının binasında yanğın baş verib. Yandğın Ticarət Mərkəzinin zərgərlik məmulatları satılan 2-ci mərtəbəsində olub. Dərhal hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası cəlb olunub və aidiyyəti qurumlar məlumatlandırılıb. Yanğın məhdudlaşdırılıb.

APA TV-nin xəbərinə görə, Fövqaladə Hallar Nazirliyinin hadisə barədə məlumat yayıb. Məlumata görə, yanğın nəticəsində 1 ədəd eskalatorun yanar hissələri yanıb.

Yanğının səbələri araşdırılır.