"Artıq "Sovetski"də camaat axışır, deyir, "pulumuzu verin, köçək". Artıq 110 nəfərə yaxın adam pulunu alıb. Bir aydan sonra onlar özlərinə ev tapdıqdan sonra oranı sökəcəyik. Artıq söküntüyə başlamışıq".

Bunu APA TV-yə Yasamal Rayon İcra Hakimiyyətinin başçısı İbrahim Mehdiyev "Sovetiski" adlanan ərazidəki sakinlərin köçürülməsi ilə bağlı son vəziyyət haqqında danışarkən deyib. Onun sözlərinə görə, bu vaxta kimi artıq 20-dən çox ev sökülüb: "Bir neçə günə sökülməlidir. İnanın ki, gələnlər həddən artıq çoxdur. Gün ərzində 25-30 nəfər müraciət edir".

Mənzilinin sahəsi az olan sakinlərə əlavə kompensasiyanın ödənilməsinə gəlincə icra başçısı bildirib ki, bu məsələ Nazirlər Kabinetində müzakirə olunur.