Nüvə Təhlükəsizliyi Sammitində prezidentlərin görüşü planlaşdırılır
Azərbaycan və Ermənistan prezidentlərinin, həmçinin xarici işlər nazirlərinin görüş vaxtı məlum olub. APA TV-nin xəbərinə görə, ATƏT-in Minsk qrupunun amerikalı həmsədri Ceyms Uorlik bu barədə öz "Twitter" səhifəsində yazıb.
Diplomat bildirib ki, Azərbaycan və Ermənistan prezidentləri və XİN rəhbərləri arasında görüşün 23-25 martda Haaqada, Nüvə Təhlükəsizliyi Sammitində baş tutması gözlənilir.
Qeyd edək ki, III nüvə təhlükəsizliyi sammiti martın 24-25-də Haaqada keçiriləcək. Azərbaycanın da iştirak edəcəyi sammitdə 5000 nümayəndənin, o cümlədən 58 ölkə liderinin iştirakı gözlənilir.
Azərbaycan prezidenti sammitə dəvət edilib.