Binəqədidə qadın rəfiqəsini qətlə yetirdi
Bakıda dəhşətli qətl törədilib. Bakı şəhər Baş Polis İdarəsindən APA TV-yə verilən məlumata görə, hadisə martın 29-da qeydə alınıb. Bakı şəhər sakini Sevinc Hüseynova M. Ə. Rəsulzadə qəsəbəsi Musabəyov küçəsində yaşayan tanışı Yasəmən Salıyevanın mənzilinə gələrək, onu kapron corabla boğub, öldürüb. S. Hüseynova martın 30-da könüllü olaraq Binəqədi Rayon Polis İdarəsinin 4-cü Polis Bölməsinə gələrək təslim olub. Qətlin şəxsi münaqişə zəminində baş verdiyi bildirilir. APA-nın əldə etdiyi məlumata görə, qətlə yetirilən Yasəmən Süleymanova 3 -cü qrup əlildir. O, Qarabağ müharibəsində iştirak edib və bir neçə dəfə ağır yaralanıb. Qətlə iki qadın arasında şəxsi münasibətlər zəminində düşən mübahisənin səbəb olduğu bildirilir. Faktı Binəqədi rayon prokurorluğu araşdırır.