12:37 2 aprel 2014 5869
Ana səhifə Xəbərlər

Azərbaycanda Aİ-98 markalı benzin ucuzlaşıb

Azərbaycanın bəzi yanacaqdoldurma məntəqələrində Aİ-98 markalı benzinin qiyməti ucuzlaşıb. Azərbaycan Dövlət Neft Şirkətindən APA-ya verilən məlumata görə, sözügedən markanın qiyməti 1,5 manatdan 1,03 manata qədər azalıb. Digər benzin markalarının qiymətlərində dəyişiklik yoxdur.

 

Azərbaycanda Aİ-98 markalı benzinin satışını yalnız ARDNŞ və “Azpetrol” şirkəti həyata keçirir. ARDNŞ-dən qiymət dəyişikliyini təsdiq etsələr də, “Azpetrol”dan bu xəbərin həqiqətəuyğun olmadığını bildiriblər.

 

Aİ-98 markalı benzin Azərbaycanda istehsal olunmadığından, xaricdən idxal edilir. Belə olduğu halda, bu benzin markası üzrə qiyməti Tarif Şurası müəyyən etmir.

 

APA TV-nin xəbərinə görə, hazırda ölkə ərazisində Aİ-95 benzininin pərakəndə satış qiyməti 1 litr üçün 80 qəpik, Aİ-92 markalı avtomobil benzininin pərakəndə satış qiyməti isə 1 litr üçün 70 qəpik müəyyən edilib.

Müəllif | Apa.Tv

Kodu kopyalayın