Bu il jurnalistika ixtisasının hər iki pilləsinə qəbulla bağlı yenilik tətbiq edilib. Bu barədə TQDK-nın mətbuat xidmətinin rəhbəri Elnur Nağızadə deyib. O bildirib ki, həmin abituriyentlər aprelin 4-dən komissiyanın rəsmi internet səhifəsinə daxil olaraq anket sorğusunu doldurmalıdırlar.

“Onlar anket sorğusunu doldurduqdan sonra jurnalistika ixtisasında oxumaq arzularını bildirmiş olacaqlar. Və test imtahanı nəticəsində müvafiq müsabiqə şərtlərini ödədikləri halda yazı işi - inşa yerinə yetirəcəklər”.

Bu mərhələ üzrə və ümumi müsabiqə şərtini ödəyən bakalavrlar ixtisaslaşma seçimi zamanı jurnalistika üzrə ixtisasları seçə bilərlər.

Elnur Nağızadə deyib ki, qabiliyyət imtahanından uğurla keçən bütün bakalavrlar magistraturada jurnalistika ixtisasına qəbul olmaq üçün müsabiqədə iştirak edə bilərlər. Bunun üçün aprelin 4-dən 10-dək anket sorğusunu komissiyanın internet saytında doldurmalıdırlar.

“Daha sonra onlar müsabiqə mərhələsinə iştirak edəcəklər. Bu mərhələdən uğurla keçdikləri halda müvafiq proqram üzrə yazılı imtahan verəcəklər”.

Bu il həmçinin ilk dəfə olaraq əvvəlki ilin məzunları ilə cari ilin məzunları olan abituriyentlərin qəbul imtahanları müxtəlif vaxtlarda olacaq. İlk qəbul imtahanları əvvəlki illərin məzunları üçün may ayının 11 və 18-də keçiriləcək. Cari ilin məzunları üçünə qəbul imtahanları isə iyul ayında keçirilməsi nəzərdə tutulub.