Bakının Nəsimi rayonu ərazisində ölümlə nəticələnən yol-nəqliyyat hadisəsi baş verib. APA-nın məlumatına görə, yol qəzası Azadlıq prospekti ilə Vaqif küçəsinin kəsişməsində qeydə alınıb. "Mercedes" və "AzSAMAND" markalı avtomobillərin toqquşması nəticəsində bir nəfər ölüb. Azadlıq prospekti ilə yüksək sürətlə hərəkət edən "Mercedes" Vaqif küçəsi ilə hərəkətdə olan "AzSAMAND"ı yolayırıcında vurub. Zərbənin gücündən "AzSAMAND"ın sağ ön qapısı açılıb və sərnişin asfaltın üstünə düşüb. O, aldığı zərbə nəticəsində dünyasını dəyişib. İlkin ehtimala görə, qəzaya "Mercedes"in işıqforun qadağanedici işığında hərəkətini davam etdirməsi səbəb olub. Sürücü qəzadan sonra hadisə yerindən qaçıb.