Suriyanın Kasab qəsəbəsində yaşayan 18 erməni Türkiyəyə sığınıb. APA TV-nin məlumatına görə, qəsəbəni ələ keçirən müxalifətçilər Türkiyəyə keçmək istəyən erməniləri sərhəddə türkiyəli rəsmilərə təhvil veriblər. Mikroavtobusla Yayladağı qəsəbəsinə gətirilən qaçqınlar "Müəllimlər evi"nə yerləşdirilib. 7-si qadın olan suriyalı ermənilər arasında yaralılar da olub. Qeyd edək ki, Suriyadan qaçan ermənilərin Türkiyəyə sığınması ilk dəfə deyil. Bu həftə iki erməni bacı da Türkiyə ərazisinə keçib. Kasab qəsəbəsində Suriyanın hökumət qoşunları və müxalif qüvvələr arasında toqquşmalar 12 gündür davam edir.