Güclü partlayış - ev sahibi ağır xəsarət aldı
Samux rayonu, Qarabağlılar kəndində 4 otaqlı evdə partlayış baş verib. Fövqaladə Hallar Nazirliyindən (FHN) APA TV-yə verilən məlumata görə, ümumi sahəsi 108 kvadrat metr olan birmərtəbəli 4 otaqlı evdə yanğınla nəticələnən partlayış olub. Hadisə zamanı evin 2 otağının tavanı çöküb, digər 1 otağın tavanı 7 kv.m sahədə yanıb. Hadisə zamanı ev sahibinin həyat yoldaşı müxtəlif bədən xəsarətləri ilə xəstəxanaya aparılıb. Evin qalan hissəsi yanğından mühafizə olunub.