Moskva polisi cinayətkar dəstənin saxlanılması zamanı həyatını itirib. APA TV-nin məlumatına görə, 3 polis əməkdaşı Radujnaya küçəsində yerləşən mənzillərdən birində yaşayan şübhəli şəxslərin həbs edilməsi üçün əməliyyat təşkil edib. Bu zaman qarşı tərəf müqavimət göstərib və silaha əl atıblar. Nəticədə 1983-cü il təvəllüdlü polis kapitanı Sergey Jadobkin aldığı ölümcül yaradan hadisə yerindəcə dünyasını dəyişib.

 

Dəstə zərərsizləşdirilib. Daha sonra onların 3 azərbaycanlı kişi və bir Belarusdan olan qadın olduğu məlum olub. Saxlanılan zaman üstlərindən travmatik silah və "Sayqa" markalı karabin silahı götürülüb.

 

Onlar 2014-cü ilin fevralında Naxabino qəsəbəsində baş verən bıçaqla yaralama hadisəsində şübhəli bilinirlər.