Şamaxıda ayı kəndə hücum edib və Talışnuru kənd yolunda 1 nəfəri yaralayıb. Hadisə vaxtı Şamaxı rayon sakini 35 yaşlı Hüseynov Sədi ayının hücümuna məruz qalıb. Sədinin sözlərinə görə, ayı onun qarşısna ani olaraq çıxıb və üzərinə hücum çəkib. O, bədənin müxtəlif nahiyələrindən xəsarətlər alıb. Əsasən ayı onun boyun nahiyəsini parçalayıb. Çətinliklə də olsa da, o, ayının əlindən xilas olmağı və yaxınlarına zəng etməyi bacarıb. Yaralını dərhal ağır vəziyyətdə Şamaxı rayon Mərkəzi Xəstəxanasına çatdırıblar. 

Zərərçəkənin sözlərinə görə, hadisə zamanı o, Talışnuru kəndindən evlərinə qayıdırmış. Sözügedən ərazi isə sıx meşəlik olub.

 

Xəstəxanadan həkimlərin  APA TV-yə verdiyi  məlumata görə, Sədi Hüseynov boyun nahiyəsindən yara alıb. İlkin yardım nəticəsində onun yarasına tikiş vurulub. Xəstə bir neçə gündən sonra evə buraxılacaq.

 

Qeyd edək ki, bənzər hadisə Şamaxıda ikinci dəfədir ki, yaşanır. Ötən il isə rayonun Keşmədin kəndinə ayı hücum etmiş və 2 nəfəri yaralamışdı.