Əvvəlcədən xəbər verildiyi kimi aprelin 5-dən 6-na keçən gecədən başlayarq ölkə ərazisində hava şəraiti dəyişib. "Artıq biz paytaxtda güclü şimal-qərb küləyinin əsdiyini, eləcə də  arabir yağıntılı hava şəraitini müşahidə edirik. Aprelin 6-da axşam saatlarından şimal-qərb küləyinin tədricən mülayimləşməsi gözlənilir". Aprelin 7-də paytaxtda şimal-qərb küləyi gündüz mülayim cənub küləyi ilə əvəz olunacaq. Ayın 8-dən isə temperaturun tədricən güclənəcəyi gözlənilir. Mülayim cənub küləkləri üstünlük təşkil edəcək. Hidrometeoroloji Proqnozlar Bürosunun direktor müavini Gülşad Məmmədova  APA TV-yə bildirib ki, bölgələrimizdə də ayın 7-si və 8-də gündüz saatlarından  hava şəraitinin gün ərzində əsasən yağmursuz keçəcəyi gözlənilir. 8-dən başlayaraq bölgələrdə tempertur bu günlə müqayisədə  tədricən yüksələcək. Aprelin 7-si və 8-də meteoroloji amillərin zəif və mülayim tərəddüdü meteohəssas insanlar üçün əlverişli olacaq.