Mart ayında Rusiyada inflyasiya 1 faiz təşkil edib. Ötən ilin müvafiq dövründə isə bu göstərici 0,3 faiz olub. Bu barədə Rusiya Statistika İdarəsinin məlumatında deyilir.  Daha öncə İqtisadi İnkişaf Nazirliyi də istehlak qiymətlərinin 0,9 - 1 faiz artacağı proqnozunu vermişdi.

 

Birinci rübdə Rusiyada qiymət artımı 2,3 faiz təşkil edib. Ötən ilin müvafiq dövründə isə bu rəqəm 1,9 faiz olub. İlin əvvəlində rublun zəifləməsi ilə illik inflyasiya 6,3 faizdən 6,9 faizə yüksəlib. Martın əvvəlində bu ölkədə meyvə və tərəvəzin qiyməti 19,8 faizə kimi qalxıb. O cümlədən spirtli içkilərin qiymətində də artım müşahidə edilib. Qiymət artımı süd məhsullarına da təsir edib və bu göstərici 2,5-3,1 faiz arasında dəyişib.