Bakıda taxta bazarı yandı: Yanğın 8 saat davam etdi
Aprelin 6-da səhər saatlarında Bakının Binəqədi rayonu, Dərnəgül ərazisində, Poladəritmə Zavodunun arxasındakı taxta satış bazasında yanğın baş verib. Yanğın səhər saat 7 radələrində başlayıb. Qısa müddətdə yanğın geniş sahəni əhatə edib. Hadisə yerinə Fövqəladə Hallar Nazirliyinin (FHN) 20 dən çox yanğınsöndürən maşını və xüsusi texnikalar cəlb olunub. FHN-nin Dövlət Yanğından Mühafisə Xidmətinin Yanğınsöndürmə Qərargahının rəisi Ekbər Novruzov bildirib ki, hadisə yerinə dərhal ərazi üzrə Nərmanov rayon Dövlət Yanğından Mühafisə hissəsi, yanğın və digər sturuktur bölmələrİ cəlb olunub. Yanğının mürəkkəbliyi nəzərə alınaraq ikinci dərəcəli çağırış elan olunub, Bakı qarnizonu və digər qüvvə vasitələri də ora çağırılıb. Yanğın nəticəsində təxminən 1000 kvadratmetr sahə yanıb. Yanğının söndürülməsi 8 saatdan çox davam edib.
FHN-nin yanğın söndürənlərdən ibarət biriqadası hadisə yerinə cəlb olunub. Və gordüyünüz kimi hələ də yanğının qarşısını almağa çalışırlar. Havanın küləkli olmasi isə yanğının qarşısının alınmasında bir qədər çətinlik yaradır.
Yanğının söndürülməsinə maneçilik törədən əsas amillərdən biri isə ərazidə yanğına qarşı vəziyyətin bərbad halda olması olub. Ərazidə yanğın təhlükəsizliyi üçün su hovuzlarının olmaması vəziyyəti bir az da çətinləşdirib. Hadisə zamanı ərazidəki obyektlərə ciddi ziyan dəyib.
"200 min dollar həcmində bizə ziyan dəyib. Qonşunun obyektində döşəmə taxtası duzəldən dəzgahlar var və orda apilka yere tökülürdu. Mən dəfələrlə gəlib bunlara apilkaları buradan yığışdırmaqlarını demişdim. Bu dəzhgah burda olmaz. Həqiqətən də burada sex düzəltmək, zavod düzəltmək olmaz, bura satış yeridir".
"Hal hazırda dayandığımız ərazidə iki obyekt olub. Yanğın da elə bu ərazilərdə baş verib. Gördüyünüz kimi arxada dəzgahlar və müxtəlif taxta məmulatları yanıb. Şahidlərin sözlərinə görə, yanğına səbəb siqaret kötüyü və ya elektirikdən yarandığı bildirilir. Hələlik hadisənin nədən baş verdiyi dəqiq məlum deyil".
Yanğın söndürənlərin səyi nəticəsində saat 14.49-da yanğın ram edilib. Baş verən yanğından 8 nəfər zərər çəkib.