Ukraynanın şərq regionlarında Rusiyaya birləşmək tələbi ilə keçirilən növbəti mitinqlər yerli hakimiyyət orqanlarının binalarının ələ keçirilməsi ilə nəticələnib.

 

APA TV-nin xəbərinə görə, Donetks şəhərində Rusiya tərəfdarları yerli administrasiyanın binasını tutub üzərində Rusiya bayrağını qaldırıblar.

 

Rusiya ilə həmsərhəd Luqansk vilayətinin mərkəzində isə Təhlükəsizlik Xidmətinin binası ələ keçirilib. Polislə toqquşma zamanı bir qadının başı yarılıb, binanın qapı və pəncərələri sındırılıb.

 

Xarkovda isə “Avromaydan” tərəfdarları ilə Rusiya tərəfdarları arasında ciddi toqquşmalar gedir. Ukrayna prezidentinin səlahiyyətlərini icra edən Aleksandr Turçinov yaranmış vəziyyətlə bağlı Litvaya səfərini təxirə salıb. Turçinovun güc strukturlarının rəhbərlərini təcili toplantıya çağırdığı bildirilir.