Macarıstanda keçirilən ümumi seçkilərin qalibi mərkəz sağ partiya Gənc Demokratlar (Fidesz) və Xristian Demokratik Xalq Partiyasının (KDNP) koalisiyası olub. APA TV-nin xəbərinə görə, 1990-cı ildə Macarıstanda kommunizm rejiminin yıxılaraq demokratiyaya keçilməsində bu yana ümumi seçkilərə birlikdə girən Fidesz-KDNP koalisiyası səslərin 44.7 faizini toplayaraq yenidən hökuməti qurmağa haqq qazanıb.

 

Seçkidə parlamentdə yer almaq üçün 18 siyasi partiya yarışıb.

 

Macarıstan Mərkəzi Seçki Komitəsinin qərarına əsasən, 1990-cı ildən bəri 2 turda keçirilən ümumi seçkiləri bu il 1 turda keçirilir. Seçki sistemində də bəzi dəyişikliklər edilib. Daha əvvəl 386 millət vəkili kürsüsü uğrunda mübarizə gedirdisə, indi bu rəqəm 199-a endirilib.