Fövqəladə Hallar Nazirliyi (FHN) Nərimanov rayonunda taxta satışı bazarında baş vermiş yanğın hadisəsi ilə bağlı məlumat yayıb. APA TV-nin FHN-nin saytına istinadən verdiyi xəbərə görə, məlumatda bildirilib ki, hadisə yerinə  dərhal nazirliyin Dövlət Yanğından Mühafizə Xidmətinin, Xüsusi Riskli Xilasetmə Xitmətinin canlı qüvvə və texnikası cəlb olunub. Hadisə yerində xilasedicilər yanğınsöndürənlərin xidməti işinə köməklik məqsəd ilə geniş təxliyə əməliyyatı həyata keçiriblər. Ərazidən 35 nəfər təxliyə edilib. Bazarın ərazisində 1050 kv.m sahədə ştabellərə yığılmış, vətəndaşlara məxsus 450 kub.m taxta materialları yanıb. Taxta materiallarının qalan hissəsi və yaxınlıqdakı obyektlər yanğından mühafizə olunub. Yanğın zamanı tüstüdən zəhərlənən 2 nəfər fəhlə Təcili Tibbi Yardım Xidməti tərəfindən xəsətəxanaya aparılıb. Hadisə ilə əlaqədar müvafiq təhqiqat aparır.