Şirvanda narkotik əkib-becərən şəxs tutuldu

Şirvanda narkotik tərkibli bitki yetişdirən şəxs saxlanılıb. Aşkarlanan çətənə kollarını polis müsadirə edib. Bu barədə APA TV-yə məlumat Şirvan Şəhər Polis Şöbəsinin istintaq bölməsindən verilib. Daxili İşlər Nazirliyinin Baş Narkotiklərlə Mübarizə İdarəsinin və Şirvan şəhər Polis Şöbəsinin əməkdaşları tərəfindən keçirilən birgə əməliyyat tədbirləri nəticəsində 41 yaşlı Elman Əliyev saxlanılıb, Vidadi küçəsi 5 ünvanlı evinin həyətində becərilən və aqrotexniki qaydada qulluq olunmuş çətənə kolları aşkar edilərək, götürülüb.
Müstəntiq Elnur Cəfərov deyib ki, Elman Əliyev yaşadığı Vidadi küçəsi 5 ünvanında yerləşən evində 40 ədəd əkilib-becərilməsi ilə məşğul olub.

Əməliyyat tədbirləri nəticəsində əldə olunan narkotik tərkibli çətənə məhv edilib. Faktla bağlı cinayət işi başlanılıb, araşdırma aparılır.

Müəllif | Apa.Tv
Əlibəy Zeynallı