Nəqliyyat Nazirliyinin Dövlət Avtomobil Nəqliyyat Xidmətinin Cəlilabad regonal şöbəsi Cəlilabad rayonu ərazisində növbəti reyd keçirib. APA TV-nin Cənub bürosunun məlumatına görə, reydlər qanunsuz taksi fəaliyyəti, habelə müvafiq lisenziyası olmadan yükdaşıma ilə məşğul olan iriqabaritli

avtomobilləri idarə edən sürücülərə qarşı  keçirilib.

Sənədləri  qaydasında olmayan və fərqlənmə nişanlarından istifadə etməyən  sürücülər  saxlanılmaqla  onlar barəsində “İnzibati Xətalar Məcəlləsinin” müvafiq maddələri ilə inzibati protokol tərtib olunub, avtomobillər isə  cərimə meydançasına aparılıb.

Ümumilikdə gün ərzində 50-dən yuxarı  yük maşını və  sərnişin  daşıyan mikroavtobus saxlanılıb. Olardan 25-i barəsində inzibati qaydada cəza tədbirləri seçilib.