Azərbaycanın müdafiə naziri general-polkovnik Zakir Həsənov İrana rəsmi səfər edəcək. APA TV-nin Müdafiə Nazirliyinin mətbuat xidmətinə istinadən verdiyi xəbərə görə, səfər aprelin 14-15-də reallaşacaq. Zakir Həsənovu qonşu öllkəyə İranın müdafiə və Silahlı Qüvvələrə dəstək naziri general-mayor Hüseyn Dehqan dəvət edib.

 

Səfər çərçivəsində ikitərəfli hərbi əməkdaşlıq məsələlərinin müzakirə ediləcəyi, regional təhlükəsizlik məsələləri üzrə fikir mübadiləsinin aparılması, İran İslam Respublikasının rəhbərliyi ilə bir sıra görüşlərin keçirilməsi planlaşdırılır.