Şirvanda ər arvadını qətlə yetirib. Şirvan şəhər Polis Şöbəsindən APA TV-yə verilən məlumata görə, hadisə aprelin 13-ü  səhər saatlarında Şirvan şəhəri Neftçilər küçəsi ev 27-də baş verib. Həmin evdə yaşayan 1967-ci il təvəllüdlü Cavidi Mübariz Sadiq oğlu ailə münaqişəsi  zəminində həyat yoldaşı 1972-ci il təvəllüdlü Cavidi Xoşbəxt Firudin qızını bıçaqla qətlə yetirib. Mübariz qətli törətdikdən sonra özünə qəsd etmək məqsədi ilə çoxlu miqdarda dərman həbləri qəbul edib. O,  Şirvan şəhər Xəstəxanasının reanimasiya şöbəsinə yerləşdirilib.  Vəziyyəti orta ağır qiymətəndirilir. Qətlin səbəbləri  istintaq orqanları tərəfindən araşdırılır.

Faktla bağlı Şirvan şəhər Prokurorluğunda cinayət işi açılıb, araşdırma aparılır.