Bakının Səbail rayonu, 28 May 5 ünvanında yerləşən 5 mərtəbəli binanın ikinci mərtəbəsində yanğın baş verib. APA TV-nin xəbərinə görə, mənzilin sahibi evdə olmadığından baş verən yanğınla bağlı qonşular xəbər tutublar. Onlar dərhal Fövqəladə Hallar Nazirliyinin "112" xidmətinə zəng vuraraq məlumat veriblər. Hadisə yerinə gələn nazirliyin Dövlət Yanğından Mühafizə İdarəsinin Səbail Rayon Hissəsinin canlı qüvvəsi və texnikası qısa müddətdə baş verən yanğını söndürməyə müvəffəq olub.

 

Araşdırmalar nəticəsində məlum olub ki, yanğın mənzilin hamamında baş verib və 2 kvadrat metr ərazini əhatə edib. Söndürülən alovun digər mənzillərə keçməsinin qarşısı alınıb.

 

Faktla bağlı  araşdırma aparılır.