İmişlidə fərdi yaşayış evi yanıb. APA TV-nin xəbərinə görə, hadisə ötən gecə rayonunun Mirili kəndində Şahin Fərəcova məxsus  fərdi yaşayış evində baş verib. Elektrik naqilində yaranan qısa qapanma nəticəsində alov yaranıb, yanğın evin dam hissəsini bürüyüb. Ümumi sahəsi 120 kvadrat metr olan 5 otaqlı  ev əşyaları ilə bir yerdə yanıb. Yaxınlıqdakı qonşular kömək etmək istəsələr də, alov güclü olduğundan çarəsiz  qalıblar.

 

Hadisə yerinə Fövqəladə Hallar Nazirliyinin  İmişli rayon yanğından mühafizə xidmətinin iki ədəd texnikası və canlı qüvvəsi  cəlb edilib. Alov söndürülüb ətraf  ərazilərə keçməsinin qarşısı  alınıb. Faktla bağlı araşdırma aparılır.