Azərbaycandakı sahibkarların 17%-ni qadınlar təşkil edir. Lakin ölkədə sahibkar qadınların sayı daha da artmalıdır".

 

APA TV-nin xəbərinə görə, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Mərkəzi Asiya ölkələrinin iqtisadiyyatı üzrə xüsusi proqram çərçivəsində qadınlar arasında sahibkarlığın inkişafı üzrə beynəlxalq konfransda çıxışı zamanı deyib. O bildirib ki, bunun üçün ölkədə lazımi şərait var: "Azərbaycanda sahibkar qadınlar iqtisadiyyatın bütün sahələrində çalışırlar. İqtisadi asılılığı olan qadınların zorakılığa məruz qalma halları da çox olur. Buna görə də qadınlar mümkün qədər çox çalışaraq özlərinin iqtisadi asılılıqlarını azaltmalıdırlar".

 

Komitə sədri deyib ki, ötən il ölkədə 430 sahibkar qadına 9 milyon manatdan çox kredit verilib.

 

Qeyd edək ki, Bakıda Mərkəzi Asiya ölkələrinin iqtisadiyyatı üzrə xüsusi proqram çərçivəsində qadınlar arasında sahibkarlığın inkişafı üzrə beynəlxalq konfrans keçirilir.