Ceçenistan Prezident Adminstrasiyası Ramzan Kadırovun qondarma "erməni soyqırımı"nı tanıması barədə yayılan xəbərləri təkzib edib. Administrasiyanın mətbuat xidmətindən Vesti.az saytına bildirilib ki, prezident Ramzan Kadırovun "twitter" səhifəsində belə bir ifadə işlədilməyib: "Biz prezidentin şəxsi səhifəsinə görə məsuliyyət daşyırıq. Qeyri -rəsmi səhifələr, mikrobuloqların yaradılması, onun adından müxtəlif yönümlü fikirlərin paylaşılmasına görə heç bir məsuliyyət daşımırırq. Görünən odur ki, Kamzan Kadırovun saxta profilini yaradıblar".

 

APA TV-nin xəbərinə görə, Ramzan Kadırovun adına olan bir "twitter" səhifəsində "24 aprel: erməni soyqrımının 99-cu il dönümüdür" - deyə yazılıb. Ermənistan mətbuatı iddia edir ki, Kadırov bununla qondarma soyqırımı tanıyıb.