"Leyla Yunus və onun həyat yoldaşının mənim təsirimlə saxlanılması xəbəri yalandır".

 

APA TV-nin Bunu Prezident Administrasiyası rəhbərinin müavini, Administrasiyanın beynəlxalq əlaqələr şöbəsinin müdiri Novruz Məmmədov Leyla Yunus və həyat yoldaşı ölkəni tərk edərkən onun təsiri ilə saxlanılmasına münasibət bildirərkən deyib.

 

O, bununla bağlı saytlarda gedən məlumatlardan çox təəccübləndiyini deyib: "Hansısa sayt yayıb ki, Leyla Yunus və onun həyat yoldaşı aeroportda xaricə getdikləri zaman mən kiməsə demişəm, onları təyyarəyə buraxıblar, sonra da təyyarədə saxlayıblar. Tamamilə yalan məlumatdır. Bunu yayan hansı sayt olur-olsun təxribatla məşğul olur ki, müəyyən fikir formalaşdırsın".

 

Prezident Administrasiyası rəsmisi Ermənistan prezidenti Serj Sarkisyanın ölkəsinin Milli Təhlükəsizlik Nazirliyinə Ramil Səfərovu öldürməklə bağlı tapşırıq verməsi məsələsinə münasibət bildirib. Onun sözlərinə görə, Ramil Səfərov Azərbaycan vətəndaşıdır və onun təhlükəsizliyi qorunur.