Moskvada, Kremlin qarşısında SSRİ dağıldıqdan sonra ilk dəfə zəhmətkeşlərin 1 may nümayişi olacaq. APA TV-nin xəbərinə görə, Moskva meriyası bu qərarı “həmkarlar təşkilatlarının müraciəti əsasında” qəbul etdiyini açıqlayıb. Siyasi analitiklərin fikrincə isə, qərar bilavasitə Kremldə, prezident Vladimir Putin səviyyəsində qəbul olunub.

Zəhmətkeşlərin 1 may nümayişi eynilə SSRİ dövründəki kimi olacaq. Yeganə fərq ondadır ki, zəhmətkeşlər meydanın tribunasında Siyasi Büro üzvlərini görə bilməyəcəklər, çünki meydanın tribunası təmirə bağlanıb.