Rusiya Xarici İşlər Nazirliyi Odessada baş verən faciəli hadisələrlə əlaqədar bəyanat yayıb. Rusiya XİN-in mətbuat xidmətinə istinadən vrilən xəbərə görə, bəyanatda baş verənlər Ukrayna hakimiyyətinin “cinayətkar məsuliyyətsizliyinin nəticəsi” kimi qiymətləndirilir. Qeyd olunur ki, Ukraynada radikal millətçilər, o cümlədən “Pravıy sektor” ölkənin federallaşmasının və real konstitusion dəyişikliklərin tərəfdarlarına qarşı fiziki terror aparmaqla məşğuldur: SİTAT: “Rusiya XİN bu hadisələri kəskin qınayır, rəsmi Kiyevi və onun qərbli himayəçilərini güc özbaşınalığına son qoymağa, Ukrayna xalqı qarşısında məsuliyyət nümayiş etdirməyə çağırır”.